លោក ហ៊ុន សែន តែងតែ​អួតអាង​ថា លោក​បាន​បង្កើត​សន្តិភាព​ក្នុង​ប្រទេស​កម្ពុជា។ ផ្ទុយ​ទៅវិញ លោក​តែង​គំរាម​ម្តង​ហើយ​ម្តង​ទៀត​អំពី​បញ្ហា​បដិវត្តន៍​ពណ៌ និង​ចោទ​ក្រុម​នេះ ឬ​ក្រុម​នោះ​ថា​មាន​បំណង​ចង់​ផ្តួល​រំលំ​រដ្ឋាភិបាល​របស់​លោក​តាមរយៈ​ការ​ធ្វើ​បដិវត្តន៍​ពណ៌។ ក្នុង​ឱកាស​ថ្លែង​សារ​អបអរ​សាទរ​នៃ​ពិធី​ចូល​ឆ្នាំ​ថ្មី​ប្រពៃណី​ជាតិ​កន្លងទៅ លោក ហ៊ុន សែន បាន​ឆ្លៀត​រំឭក​រឿង​បដិវត្តន៍​ពណ៌​ដែល​គាត់​ធ្លាប់​ប្រើ​ជា​ការ​គំរាម​កម្ទេច​ចំពោះ​ក្រុម​អ្នក​រិះគន់ និង​អ្នក​ប្រឆាំង​ចំពោះ​ការ​ដឹកនាំ​របស់​គាត់។ បន្ទាប់ពី​ការ​គំរាម​របស់​លោក ហ៊ុន សែន ចំណែក​កូនប្រុស​របស់​លោក​មួយ​រូប​ទៀត គឺ​លោក ហ៊ុន ម៉ានី បាន​លើកឡើង​ថា បដិវត្តន៍​ពណ៌​មិន​បាន​ទៅណា​ឆ្ងាយ​ពី​កម្ពុជា​ឡើយ។…

បទវិភាគ៖ តើ​ហេតុ​អ្វី​បានជា​គ្រួសារ​ត្រកូល ហ៊ុន តែង​លើកឡើង​អំពី​បដិវត្តន៍​ពណ៌?
បទវិភាគ៖ តើ​ហេតុ​អ្វី​បានជា​គ្រួសារ​ត្រកូល ហ៊ុន តែង​លើកឡើង​អំពី​បដិវត្តន៍​ពណ៌?

មន្ត្រី​ម្នាក់​នៃ​ក្រុមប្រឹក្សា​សន្តិសុខ​អាមេរិក បាន​និយាយ​ថា លោក​ប្រធានាធិបតី​សហរដ្ឋ​អាមេរិក ចូ បៃដិន ចាប់ផ្ដើម​ចាក​ចេញពី​សេតវិមាន​នៅ​ថ្ងៃ​ព្រហស្បតិ៍ ទី​១៨ ឧសភា សំដៅ​ទៅ​ធ្វើ​ទស្សនកិច្ច ២​ប្រទេស គឺ​កូរ៉េ​ខាងត្បូង និង​ប្រទេស​ជប៉ុន។ តាម​ទីភ្នាក់ងារ​សារព័ត៌មាន AFP ទស្សនកិច្ច​របស់​ប្រធានាធិបតី​អាមេរិក​វ័យ​ជិត ៨០​ឆ្នាំ​រូប​នេះ​ទៅ​កាន់​ប្រទេស​ក្នុង​តំបន់​អាស៊ី​ខាងកើត​ពីរ​នេះ គឺជា​លើកដំបូង​បន្ទាប់ពី​លោក​បាន​ក្លាយជា​ប្រធានាធិបតី​អាមេរិក នៅ​ថ្ងៃ​ទី​២០ ខែ​មករា ឆ្នាំ​២០២០។

លោក បៃដិន ទៅ​កូរ៉េ​ខាងត្បូង​និង​ជប៉ុន​ចំ​ពេល​កូរ៉េ​ខាងជើង​ពន្លឿន​ការ​បាញ់​មីស៊ីល​គំរាម​ឧបទ្វីប
លោក បៃដិន ទៅ​កូរ៉េ​ខាងត្បូង​និង​ជប៉ុន​ចំ​ពេល​កូរ៉េ​ខាងជើង​ពន្លឿន​ការ​បាញ់​មីស៊ីល​គំរាម​ឧបទ្វីប

រដ្ឋមន្ត្រី​ក្រសួង​កសិកម្ម រុក្ខាប្រមាញ់ និង​នេសាទ បាន​អះអាង​ថា ការ​ដោះដូរ​ដី​ដើម្បី​ធ្វើការ​អភិវឌ្ឍ​ក្បែរ​សួនសត្វ​ភ្នំ​តាម៉ៅ ទៅ​ឱ្យ​ក្រុមហ៊ុន​ឯកជន មិន​មាន​ផល​ប៉ះពាល់​ដី​ឧទ្យាន​សួនសត្វ និង​មជ្ឈមណ្ឌល​សង្គ្រោះ​សត្វព្រៃ​ភ្នំ​តាម៉ៅ ជាង ៤០០​ហិកតារ​ដែល​មាន​របង​ព័ទ្ធ និង​ហេដ្ឋារចនាសម្ព័ន្ធ​នានា​នោះ​ទេ។ រដ្ឋមន្ត្រី​ក្រសួង​កសិកម្ម លោក វេង សាខុន ធ្វើឡើង​តាម​លិខិត​ដែល​បាន​ដាក់​ទៅ​ទីស្ដីការ​គណៈរដ្ឋមន្ត្រី​ចុះ​ថ្ងៃ​ទី​២៨ ខែ​មេសា ឆ្នាំ​២០២២ បាន​លើកឡើង​នៅ​ក្នុង​លិខិត​ថា ការ​ស្នើសុំ​គោលការណ៍​ដើម្បី​ដោះដូរ​ទីតាំង​ដី​របស់​គណៈរដ្ឋមន្ត្រី​នោះ មិន​បាន​ប៉ះពាល់ ឬ​ជាន់​លើ​ផ្ទៃដី​ឧទ្យាន​សួនសត្វ និង​មជ្ឈមណ្ឌល​សង្គ្រោះ​សត្វព្រៃ​ភ្នំ​តាម៉ៅ ដែល​មាន​ទំហំ​ជាង ៤០០​ហិកតារ និង​មាន​របង​ព័ទ្ធ​ជុំវិញ​ជាង ៨៣៩៤​ម៉ែត្រ​ដែល​មាន​ហេដ្ឋារចនាសម្ព័ន្ធ​នានា។…

រដ្ឋមន្ត្រី​កសិកម្ម​ថា​ការ​ដោះដូរ​ដី​សួនសត្វ​ភ្នំ​តាម៉ៅ​មិន​មាន​ផល​ប៉ះពាល់​បរិស្ថាន​ឡើយ
រដ្ឋមន្ត្រី​កសិកម្ម​ថា​ការ​ដោះដូរ​ដី​សួនសត្វ​ភ្នំ​តាម៉ៅ​មិន​មាន​ផល​ប៉ះពាល់​បរិស្ថាន​ឡើយ

គ្រឿងចក្រ​ជាច្រើន​គ្រឿង និង​កម្មករ​ជាច្រើន​នាក់ កំពុង​មមាញឹក​ឈូស​ឆាយ​កម្ទេច​ព្រៃស្រោង​ស្ថិត​ក្នុង​ដែន​ជម្រក​សត្វព្រៃ​ព្រៃឡង់ ក្នុង​ស្រុក​ថាឡាបរិវ៉ាត់ ខេត្ត​ស្ទឹងត្រែង ដើម្បី​ទន្ទ្រាន​យក​ដី​ធ្វើ​ជា​កម្មសិទ្ធិ​ផ្ទាល់ខ្លួន។ ប្រជា​សហគមន៍​ការពារ​ព្រៃឡង់ បាន​ចុះ​ដល់​ទីតាំង​បទល្មើស​ព្រៃឈើ​កាលពី​សប្តាហ៍​មុន បាន​ថត​វីដេអូ និង​គ្រឿងចក្រ​បង្ហាញ​ពី​សកម្មភាព​ឈូស​ឆាយ​ព្រៃ​ទ្រង់ទ្រាយ​ធំ​នេះ ដោយ​ស្នើ​ឱ្យ​អាជ្ញាធរ​ទប់ស្កាត់ ប៉ុន្តែ​ពុំ​ឃើញ​មន្ត្រី​ជំនាញ​ចុះ​បង្ក្រាប​នៅឡើយ​ទេ​មក​ទល់​ពេលនេះ។

គ្រឿងចក្រ​ជាច្រើន​កំពុង​ឈូស​ឆាយ​ទន្ទ្រាន​ព្រៃស្រោង​ក្នុង​តំបន់​ព្រៃឡង់​រាប់ពាន់​ហិកតារ
គ្រឿងចក្រ​ជាច្រើន​កំពុង​ឈូស​ឆាយ​ទន្ទ្រាន​ព្រៃស្រោង​ក្នុង​តំបន់​ព្រៃឡង់​រាប់ពាន់​ហិកតារ
គល់​ឈើ​ដែល​ប្រជា​សហគមន៍​ប្រទះ​ឃើញ​ពេល​ចុះ​ល្បាត​នៅ​ចុង​ឆ្នាំ​២០២១ នៅ​តំបន់​ព្រៃឡង់។ (រូបថត​ពី​សហគមន៍​ព្រៃឡង់)

គ្រឿងចក្រ​ជាច្រើន​គ្រឿង និង​កម្មករ​ជាច្រើន​នាក់ កំពុង​មមាញឹក​ឈូស​ឆាយ​កម្ទេច​ព្រៃស្រោង​ស្ថិត​ក្នុង​ដែន​ជម្រក​សត្វព្រៃ​ព្រៃឡង់ ក្នុង​ស្រុក​ថាឡាបរិវ៉ាត់ ខេត្ត​ស្ទឹងត្រែង ដើម្បី​ទន្ទ្រាន​យក​ដី​ធ្វើ​ជា​កម្មសិទ្ធិ​ផ្ទាល់ខ្លួន។

ប្រជា​សហគមន៍​ការពារ​ព្រៃឡង់ បាន​ចុះ​ដល់​ទីតាំង​បទល្មើស​ព្រៃឈើ​កាលពី​សប្តាហ៍​មុន បាន​ថត​វីដេអូ និង​គ្រឿងចក្រ​បង្ហាញ​ពី​សកម្មភាព​ឈូស​ឆាយ​ព្រៃ​ទ្រង់ទ្រាយ​ធំ​នេះ ដោយ​ស្នើ​ឱ្យ​អាជ្ញាធរ​ទប់ស្កាត់ ប៉ុន្តែ​ពុំ​ឃើញ​មន្ត្រី​ជំនាញ​ចុះ​បង្ក្រាប​នៅឡើយ​ទេ​មក​ទល់​ពេលនេះ។

សមាជិក​សហគមន៍​ការពារ​ព្រៃឡង់​ដែល​ចុះ​អង្កេត​រឿង​នេះ លោក ថាន់ សាន បាន​ប្រាប់​សារព័ត៌មាន ឌឹ ខេមបូឌា ដេលី នៅ​ថ្ងៃ​ទី​១៩ ឧសភា ថា បច្ចុប្បន្ន​ដែន​ជម្រក​សត្វព្រៃ​ព្រៃឡង់ ស្ថិត​ក្នុង​ឃុំ​ចម្ការលើ ឃុំ​អន្លង់ភេ និង​ឃុំ​អន្លង់ជ្រៃ ត្រូវ​ក្រុម​ឈ្មួញ​ឃុបឃិត​ជាមួយ​អាជ្ញាធរ​យក​គ្រឿងចក្រ​ឈូស​ឆាយ​ព្រៃ​ឱ្យ​ក្លាយជា​វាល​រហោឋាន​អស់​រាប់​ពាន់​ហិកតារ។

លោក​បញ្ជាក់​ថា ព្រៃឡង់​នៅ​ចំណុច​ភូមិ​ស្រឡៅ ឃុំ​អន្លង់ជ្រៃ ទំហំ​ជាង ៣​ពាន់​ហិកតារ ត្រូវ​ក្រុម​ឈ្មួញ​ប្រើ​គ្រឿងចក្រ​ឈូស​ឆាយ​កម្ទេច​ឱ្យ​ក្លាយ​ជា​វាល​ធំ​ល្វឹងល្វើយ​ដើម្បី​យក​ដី​ធ្វើ​កសិកម្ម។ លោក​ថា បទល្មើស​ព្រៃឈើ​ទាំងនេះ​ធ្វើឡើង​ជិត ១​ឆ្នាំ​មក​ហើយ ពុំ​ឃើញ​មន្ត្រី​ជំនាញ​ចុះ​ទប់ស្កាត់​ឱ្យ​ច្បាស់លាស់​នៅឡើយ​ទេ។

ប្រភព​ដដែល​បន្ថែម​ថា មកទល់​ពេលនេះ សកម្មភាព​ឈូស​ឆាយ​ដើមឈើ​តូច​ធំ​កំពុង​ដួល​រាយប៉ាយ​ពេញ​ព្រៃ ដើម្បី​យក​ដី​ធ្វើ​កម្មសិទ្ធិ​ស្ថិត​ក្នុង​ឃុំ​អន្លង់ជ្រៃ នៅតែ​កើតមាន​ច្រើន ធ្វើ​ឱ្យ​តំបន់​អភិរក្ស​នេះ​វិនាស​ហិនហោច។

សារព័ត៌មាន ឌឹ ខេមបូឌា ដេលី នៅ​មិនទាន់​អាច​ទាក់ទង​អភិបាល​ស្រុក​ថាឡាបរិវ៉ាត់ លោក ជា សារឿន ដើម្បី​ធ្វើការ​បំភ្លឺ​បាន​នៅឡើយ​ទេ​នៅ​ថ្ងៃ​ទី​១៩ ឧសភា។ រីឯ​អភិបាល​ខេត្ត​ស្ទឹងត្រែង លោក ស្វាយ សំអ៊ាង ក៏​មិន​អាច​សុំ​ការ​អធិប្បាយ​បាន​ដែរ។ ប៉ុន្តែ​អភិបាល​ខេត្ត​រូប​នេះ​ធ្លាប់​ប្ដេជ្ញា​ចិត្ត​ក្នុង​ថ្ងៃ​ប្រកាស​ចូល​កាន់​តំណែង​កាលពី​ឆ្នាំ​២០២១ ថា លោក​នឹង​ប្រឹងប្រែង​ទប់ស្កាត់​បទល្មើស​ធនធាន​ធម្មជាតិ​គ្រប់​រូបភាព​ស្រប​តាម​ច្បាប់ និង​បទបញ្ជា​របស់​រដ្ឋាភិបាល។

ប៉ុន្តែ​ប្រជា​សហគមន៍​សង្កេតឃើញ​ថា ការលើកឡើង​នេះ គ្រាន់តែ​សន្យា​ខ្យល់ ដើម្បី ឱ្យ​ពលរដ្ឋ​ស្ងប់ចិត្ត​តែប៉ុណ្ណោះ ប៉ុន្តែ​ការពិត ព្រៃ​ឡង់​ឋិត​ក្នុងភូមិ​សាស្ត្រ​ខេត្តស្ទឹងត្រែង កំពុង​ប្រឈម​គ្រោះថ្នាក់​ជាងគេ។

ប្រជា​សហគមន៍​ការពារ​ព្រៃឡង់ អះអាង​ថា អាជ្ញាធរ​ខេត្ត​ស្ទឹងត្រែង គ្មាន​ឆន្ទៈ​ការពារ​ព្រៃ​អភិរក្ស​នេះ​ឱ្យ​គង់វង្ស​នោះ​ទេ បើ​ទោះបីជា​ពួកគេ​បង្ហាញ​ភស្តុតាង និង​ទីតាំង​ឈូស​ឆាយ​ព្រៃ​ឱ្យ​ក្លាយ​ជា​វាល ក៏​គ្មាន​ដំណោះស្រាយ​ដែរ​ជាច្រើន​ខែ​មក​ហើយ។ ពួកគេ​សង្ស័យ​ថា ឧក្រិដ្ឋកម្ម​ព្រៃ​នេះ​មាន​ការ​ឃុបឃិត​គ្នា​ជា​ប្រព័ន្ធ​រវាង​ជនល្មើស និង​អាជ្ញាធរ​មួយ​ចំនួន។

មន្ត្រី​សង្គម​ស៊ីវិល​សង្កេត​ឃើញ​ថា បទល្មើស​ព្រៃឈើ​ក្នុង​ដែន​ជម្រក​សត្វព្រៃ​ព្រៃឡង់​មាន​ពីរ​ប្រភេទ គឺ​ទី​១ កាប់​ឈើ​មាន​តម្លៃ​លក់ ធ្វើ​អាជីវកម្ម និង​ទី​២ ឈូស​ឆាយ​ទន្ទ្រាន​ព្រៃ​យក​ដី​ធ្វើជា​កម្មសិទ្ធិ។ ពួកគេ​សង្កេត​ឃើញ​ថា ដែន​ជម្រក​សត្វ​ព្រៃឡង់ ទាំង​បួន​ខេត្ត សុទ្ធសឹងតែ​កើតមាន​សកម្មភាព​កាប់​ឈើ និង​ឈូស​ឆាយ​ព្រៃ​ទន្ទ្រាន​យក​ដី។

ចំណែក​នៅ​ខេត្ត​ស្ទឹងត្រែង សកម្មភាព​ឈូស​ឆាយ​ព្រៃស្រោង ក្នុង​តំបន់​ព្រៃឡង់​បាន​កើតមាន​ច្រើន​ជាង​ខេត្ត​ដទៃ​ទៀត ខណៈ​ដែល​អាជ្ញាធរ​ខេត្ត​នេះ​កំពុង​បើក​ដៃ​ឱ្យ​ឈ្មួញ​ទន្ទ្រាន​ព្រៃឡង់​តាម​អំពើ​ចិត្ត។

កាលពី​ខែ​មករា ឆ្នាំ​២០២២ អង្គការ​លើកលែង​ទោស​អន្តរជាតិ (Amnesty International) បាន​ចេញ​របាយការណ៍​ថ្មី​ក្រោម​ចំណងជើង​ថា «ការ​កាប់​ឈើ​ខុសច្បាប់​ធ្វើ​ឱ្យ​អន្តរាយ​ដល់​សិទ្ធិ និង​វប្បធម៌​របស់​ជនជាតិ​ដើម​ភាគតិច» បាន​រក​ឃើញ​ថា អាជ្ញាធរ​ពាក់ព័ន្ធ និង​ជាពិសេស​មន្ត្រី​ក្រសួង​បរិស្ថាន ថា​មិន​បាន​អើពើ​នឹង​ការ​រាយការណ៍​បទល្មើស​ពី​ប្រជាពលរដ្ឋ និង​ថា​ពេល​ខ្លះ មន្ត្រី​ក្រសួង​បរិស្ថាន​ទាំងនោះ​បាន​ចុះ​ទៅ​ស៊ើបអង្កេត ប៉ុន្តែ​គ្រាន់តែ​ស៊ើបអង្កេត​ដើម្បី​ទទួល​លុយ​ក្រោម​តុ​ពី​ជនល្មើស​តែប៉ុណ្ណោះ៕

--

--

គណបក្ស​ប្រជាធិបតេយ្យ​មូលដ្ឋាន (GDP) ដែល​បាន​ចូលរួម​ការ​បោះឆ្នោត​ឆ្នាំ​២០២២ អះអាង​ថា ភាព​ភ័យខ្លាច​ដោយសារ​ការ​រើសអើង​និន្នាការ​នយោបាយ​សម្រាប់​ពលរដ្ឋ​នៅ​មូលដ្ឋាន បាន​ក្លាយ​ជា​ប្រធានបទ​យ៉ាង​សំខាន់​មួយ​អំឡុង​ពេល​នៃ​ការ​បោះឆ្នោត​ឃុំ-សង្កាត់​ឆ្នាំ​២០២២ និង​បោះឆ្នោត​ជាតិ​ឆ្នាំ​២០២៣ ខាងមុខ​នេះ។ ប្រធាន​គណៈកម្មាធិការ​នាយក​គណបក្ស​ប្រជាធិបតេយ្យ​មូលដ្ឋាន បណ្ឌិត យ៉ង សាំងកុមារ បាន​ប្រាប់​សារព័ត៌មាន The Cambodia Daily នៅ​ថ្ងៃ​ទី​១៩ ឧសភា នេះ​ថា ការ​លុបបំបាត់​បញ្ហា​រើសអើង និង​ភាព​ភ័យខ្លាច​ដែល​កើតឡើង​ពី​ការ​ប្រកាន់​និន្នាការ​នយោបាយ​ដែល​បណ្តាល​ឱ្យ​មាន​ការ​ធ្វើ​ទុក្ខបុកម្នេញ​លើ​សមាជិក សកម្មជន និង​អ្នកគាំទ្រ​គណបក្ស​ក្រៅ​រដ្ឋាភិបាល​ក្នុង​អំឡុង​ពេល​នៃ​ការ​បោះឆ្នោត​ឃុំ-សង្កាត់​ឆ្នាំ​២០២២ ខាងមុខ​នេះ រដ្ឋាភិបាល​កម្ពុជា​ត្រូវតែ​លុបចោល​ឲ្យ​អស់ ដើម្បី​ធានា​បាន​នូវ​ការ​បោះឆ្នោត​មួយ​ស្រប​តាម​លទ្ធិប្រជាធិបតេយ្យ​ពិតប្រាកដ។

GDP៖ ការ​រើសអើង​និន្នាការ​នយោបាយ​ជា​ប្រធានបទ​យ៉ាង​សំខាន់​សម្រាប់​ពលរដ្ឋ​នៅ​មូលដ្ឋាន
GDP៖ ការ​រើសអើង​និន្នាការ​នយោបាយ​ជា​ប្រធានបទ​យ៉ាង​សំខាន់​សម្រាប់​ពលរដ្ឋ​នៅ​មូលដ្ឋាន
ពលរដ្ឋ​ពិនិត្យ​បញ្ជី​ឈ្មោះ​បោះឆ្នោត​នៅ​សាលា​សង្កាត់​ផ្សារដើមថ្កូវ រាជធានី​ភ្នំពេញ នៅ​ថ្ងៃ​ទី​១២ ខែ​តុលា ឆ្នាំ​២០២១។ (Photo/ VOD)

គណបក្ស​ប្រជាធិបតេយ្យ​មូលដ្ឋាន (GDP) ដែល​បាន​ចូលរួម​ការ​បោះឆ្នោត​ឆ្នាំ​២០២២ អះអាង​ថា ភាព​ភ័យខ្លាច​ដោយសារ​ការ​រើសអើង​និន្នាការ​នយោបាយ​សម្រាប់​ពលរដ្ឋ​នៅ​មូលដ្ឋាន បាន​ក្លាយ​ជា​ប្រធានបទ​យ៉ាង​សំខាន់​មួយ​អំឡុង​ពេល​នៃ​ការ​បោះឆ្នោត​ឃុំ-សង្កាត់​ឆ្នាំ​២០២២ និង​បោះឆ្នោត​ជាតិ​ឆ្នាំ​២០២៣ ខាងមុខ​នេះ។

ប្រធាន​គណៈកម្មាធិការ​នាយក​គណបក្ស​ប្រជាធិបតេយ្យ​មូលដ្ឋាន បណ្ឌិត យ៉ង សាំងកុមារ បាន​ប្រាប់​សារព័ត៌មាន The Cambodia Daily នៅ​ថ្ងៃ​ទី​១៩ ឧសភា នេះ​ថា ការ​លុបបំបាត់​បញ្ហា​រើសអើង និង​ភាព​ភ័យខ្លាច​ដែល​កើតឡើង​ពី​ការ​ប្រកាន់​និន្នាការ​នយោបាយ​ដែល​បណ្តាល​ឱ្យ​មាន​ការ​ធ្វើ​ទុក្ខបុកម្នេញ​លើ​សមាជិក សកម្មជន និង​អ្នកគាំទ្រ​គណបក្ស​ក្រៅ​រដ្ឋាភិបាល​ក្នុង​អំឡុង​ពេល​នៃ​ការ​បោះឆ្នោត​ឃុំ-សង្កាត់​ឆ្នាំ​២០២២ ខាងមុខ​នេះ រដ្ឋាភិបាល​កម្ពុជា​ត្រូវតែ​លុបចោល​ឲ្យ​អស់ ដើម្បី​ធានា​បាន​នូវ​ការ​បោះឆ្នោត​មួយ​ស្រប​តាម​លទ្ធិប្រជាធិបតេយ្យ​ពិតប្រាកដ។

បណ្ឌិត យ៉ង សាំងកុមារ អះអាង​ថា អំឡុង​ពេល​នៃ​ការ​ដាក់​បញ្ជី​ឈ្មោះ​បេក្ខជន​ក្រុមប្រឹក្សា​ឃុំ-សង្កាត់​ដើម្បី​ចូលរួម​ការ​បោះឆ្នោត​ខាងមុខ​នេះ តែងតែ​មាន​ការ​គាប​សង្កត់​ពី​អាជ្ញាធរ​មូលដ្ឋាន​មក​លើ​បេក្ខជន​ឈរ​ឈ្មោះ​របស់​គណបក្ស​ប្រជាធិបតេយ្យ​មូលដ្ឋាន​ជារឿយៗ​ផង​ដែរ។ ក្នុង​នោះ​ក៏​មាន​ការ​បង្ខំ​ឱ្យ​បេក្ខជន​មេឃុំ​របស់​លោក​លាឈប់​ពី​គណបក្ស និង​លាឈប់​ពី​ប្រធាន​សហគមន៍​កសិកម្ម​នៅ​ក្នុង​មូលដ្ឋាន​ថែម​ទៀត។

មន្ត្រី​ជាន់ខ្ពស់​គណបក្ស​ក្រៅ​រដ្ឋាភិបាល​រូប​នេះ​បញ្ជាក់​ថា គោល​នយោបាយ​របស់​គណបក្ស​លោក គឺ​លើកស្ទួយ​សេរីភាព​នយោបាយ និង​លុបបំបាត់​ការ​រើសអើង ក្នុង​នោះ​ឃុំ-សង្កាត់​ដែល​ដឹកនាំ​ដោយ​គណបក្ស​ប្រជាធិបតេយ្យ​មូលដ្ឋាន គឺ​មិន​ឲ្យ​មេភូមិ អនុ​ភូមិ ជំនួយការ​ភូមិ និង​ប្រជា​ការពារ​ភូមិ ដើរ​តួនាទី​ជា​សកម្មជន​របស់​គណបក្ស​ឡើយ ប៉ុន្តែ​ពួកគេ​ត្រូវ​បំពេញ​តួនាទី​ជា​អ្នក​បម្រើ​ពលរដ្ឋ​គ្រប់​និន្នាការ​ទាំងអស់​នៅ​ក្នុង​មូលដ្ឋាន​របស់​ខ្លួន។

ការ​អះអាង​នេះ ធ្វើឡើង​ស្រប​ពេល​ដែល​ការ​បោះឆ្នោត​ក្រុមប្រឹក្សា​ឃុំ-សង្កាត់​ឆ្នាំ​២០២២ កាន់តែ​ខិត​ជិត​មក​ដល់ ខណៈ​គណបក្ស​ដែល​ចូលរួម​ការ​បោះឆ្នោត​នេះ​ប្រឈម​នឹង​ការ​ធ្វើ​ទុក្ខបុកម្នេញ​ពី​អាជ្ញាធរ​នៅ​មូលដ្ឋាន​ជា​បន្តបន្ទាប់។

ទិន្នន័យ​សង្គម​បាន​លាតត្រដាង​កាលពី​ពេល​ថ្មីៗ​នេះ ការ​ធ្វើ​ទុក្ខបុកម្នេញ​លើ​សកម្មជន​នយោបាយ​កើត​មាន​ជា​ហូរហែ ដូចជា​ការ​ចោទប្រកាន់ ការ​ចាប់​ខ្លួន និង​គំរាមកំហែង​ផ្សេងៗ​ទៀត​អំឡុង​ពេល​ដំណើរការ​នៃ​ការ​បោះឆ្នោត​ជ្រើសរើស​ក្រុមប្រឹក្សា​ឃុំ-សង្កាត់​អាណត្តិ​ទី​៥ នេះ​កាន់តែ​ជិត​មក​ដល់​នា​ពេល​ខាងមុខ​នោះ។

យ៉ាងណាក៏ដោយ កាលពី​ចុង​ខែ​មេសា ឆ្នាំ​២០២២ លោក ហ៊ុន សែន បាន​អំពាវនាវ​ឱ្យ​អាជ្ញាធរ​មូលដ្ឋាន​ទាំងអស់​បង្ក​លក្ខណៈ​សម្បត្តិ​ងាយស្រួល​ដល់​គណបក្ស​នយោបាយ​ដែល​បាន​ចូលរួម​ការ​បោះឆ្នោត​ជ្រើសរើស​ក្រុមប្រឹក្សា​ឃុំ-សង្កាត់​ខាងមុខ​នេះ ជាពិសេស​ត្រូវ​ផ្តល់​សិទ្ធិ​ពេញលេញ​ដល់​ពលរដ្ឋ​ក្នុង​ការ​សម្រេច​ចិត្ត​ជ្រើសរើស​គណបក្ស​នយោបាយ​ដែល​ពួកគេ​ពេញចិត្ត ព្រមទាំង​បញ្ឈប់​នូវ​ការ​គំរាមកំហែង ឬ​បង្ខិតបង្ខំ​តាម​គ្រប់​រូបភាព​ផង​ដែរ។

ជុំវិញ​ការ​បោះឆ្នោត​ក្រុមប្រឹក្សា​ឃុំ-សង្កាត់​ឆ្នាំ​២០២២ នេះ ក្រុម​អ្នក​សង្កេតការណ៍​រិះគន់​ថា មេដឹកនាំ​បក្ស​កាន់​អំណាច​កំពុង​រៀបចំ​ឧក្រិដ្ឋកម្ម​បោះឆ្នោត​មួយ​តាមរយៈ​គណៈកម្មាធិការ​ជាតិ​រៀបចំ​ការ​បោះឆ្នោត (គ.ជ.ប) ដើម្បី​បន្លំ​ភ្នែក​អន្តរជាតិ និង​ពលរដ្ឋ​ម្ចាស់​ប្រទេស ហើយ​ក៏​កំពុង​បន្ត​ឧក្រិដ្ឋកម្ម​សម្លាប់​ប្រជាធិបតេយ្យ​នៅ​កម្ពុជា​ផង​ដែរ។

ប្រភព​ដដែល​អះអាង​ថា រាល់​អាណត្តិ​កន្លងមក គណបក្ស​កាន់​អំណាច​របស់​លោក ហ៊ុន សែន បាន​ត្រឹមតែ​លួច​សន្លឹកឆ្នោត និង​គំរាមកំហែង​ពលរដ្ឋ​នៅ​មូលដ្ឋាន ឬ​ទិញ​សន្លឹកឆ្នោត​ប៉ុណ្ណោះ ប៉ុន្តែ​អាណត្តិ​ទី​៥ ឆ្នាំ​២០២២ នេះ ពួកគេ​បាន​គ្រប់គ្រង​ដំណើរការ​នៃ​ការ​បោះឆ្នោត​នេះ​គ្រប់​បែប​យ៉ាង ជាពិសេស​សមាសភាព គ.ជ.ប ទាំង ៩​រូប សុទ្ធសឹងតែ​ជា​សមាជិក​បក្ស​កាន់​អំណាច​ទាំងអស់​ដែល​ផ្ទុយ​ស្រឡះ​ពី​ច្បាប់​ដែល​បាន​ចែង​ក្នុង​រដ្ឋធម្មនុញ្ញ​មាត្រា​១៥១​ថ្មី​ពីរ ដែល​បាន​ចែង​អំពី​សមាសភាព​គណៈកម្មាធិការ​នេះ ដើម្បី​ធានា​នូវ​ភាព​ឯករាជ្យ​ក្នុង​ការ​បោះឆ្នោត។

ដំណើរការ​នៃ​ការ​បោះឆ្នោត​ក្រុមប្រឹក្សា​ឃុំ-សង្កាត់​ឆ្នាំ​២០២២ នឹង​ប្រព្រឹត្ត​ទៅ​នៅ​ថ្ងៃ​អាទិត្យ ទី​៥ ខែ​មិថុនា ឆ្នាំ​២០២២ ខណៈ​កាលបរិច្ឆេទ​នៃ​ការ​ឃោសនា​នឹង​ត្រូវ​ធ្វើ​ឡើង​ចាប់ពី​ថ្ងៃ​ទី​២១ ខែ​ឧសភា រហូត​ដល់​ថ្ងៃ​ទី​៣ ខែ​មិថុនា ឆ្នាំ​២០២២ ខាងមុខ​នេះ៕

--

--

ក្រុម​អ្នក​តស៊ូ​មតិ​ខ្មែរ​នៅ​ក្រៅ​ស្រុក ថា​គណបក្ស​ភ្លើង​ទៀន​ដែល​គេ​សង្ស័យ​ថា​មាន​លោក សម រង្ស៊ី នៅ​ពីក្រោយ កំពុង​ជួយ​បំភ្លឺ​អំណាច​លោក ហ៊ុន សែន ដោយ​ឥត​លក្ខខណ្ឌ បន្ទាប់ពី​ប្រកាស​ចូលរួម​បោះឆ្នោត​ដែល​រៀបចំ​ឡើង​ដោយ​បក្ស​កាន់​អំណាច​ក្នុង​ឆ្នាំ​២០២២។ អ្នកវិភាគ​នយោបាយ សង្គម និង​ជា​ប្រធាន​វេទិកា​ពលរដ្ឋ លោក គឹម សុខ បាន​សរសេរ​លើ​គណនី​ហ្វេសប៊ុក​របស់​លោក​នៅ​ថ្ងៃ​ទី​១៩ ឧសភា នេះ​ថា គណបក្ស សម រង្ស៊ី ដែល​មិនទាន់​ប្តូរ​ឈ្មោះ​មក​ជា​គណបក្ស​ភ្លើង​ទៀន ធ្លាប់​ជា​គណបក្ស​ទី​មួយ​ក្នុង​ប្រវត្តិសាស្ត្រ​ប្រទេស​កម្ពុជា​ក្រោយ​កិច្ចព្រមព្រៀង​សន្តិភាព​ទីក្រុង​ប៉ារីស ឆ្នាំ​១៩៩១ ដែល​បាន​លើក​អំណាច​ជូន​លោក ហ៊ុន សែន តាមរយៈ​នៃ​ការ​កែប្រែ​រដ្ឋធម្មនុញ្ញ​ពី ២​ភាគ​៣ មក ៥០​ភាគរយ​បូក​១ កាលពី​ឆ្នាំ​២០០៦ កន្លងទៅ។

ក្រុម​តស៊ូ​មតិ​ថា​បក្ស​ភ្លើង​ទៀន​កំពុង​ជួយ​រក្សា​អំណាច​លោក ហ៊ុន សែន ដោយ​ឥត​លក្ខខណ្ឌ
ក្រុម​តស៊ូ​មតិ​ថា​បក្ស​ភ្លើង​ទៀន​កំពុង​ជួយ​រក្សា​អំណាច​លោក ហ៊ុន សែន ដោយ​ឥត​លក្ខខណ្ឌ
និម្មិត​សញ្ញា​គណបក្ស​ភ្លើង​ទៀន អតីត​មេដឹកនាំ​បក្ស​ប្រឆាំង​លោក សម រង្ស៊ី និង​លោក​នាយករដ្ឋមន្ត្រី ហ៊ុន សែន។

ក្រុម​អ្នក​តស៊ូ​មតិ​ខ្មែរ​នៅ​ក្រៅ​ស្រុក ថា​គណបក្ស​ភ្លើង​ទៀន​ដែល​គេ​សង្ស័យ​ថា​មាន​លោក សម រង្ស៊ី នៅ​ពីក្រោយ កំពុង​ជួយ​បំភ្លឺ​អំណាច​លោក ហ៊ុន សែន ដោយ​ឥត​លក្ខខណ្ឌ បន្ទាប់ពី​ប្រកាស​ចូលរួម​បោះឆ្នោត​ដែល​រៀបចំ​ឡើង​ដោយ​បក្ស​កាន់​អំណាច​ក្នុង​ឆ្នាំ​២០២២។

អ្នកវិភាគ​នយោបាយ សង្គម និង​ជា​ប្រធាន​វេទិកា​ពលរដ្ឋ លោក គឹម សុខ បាន​សរសេរ​លើ​គណនី​ហ្វេសប៊ុក​របស់​លោក​នៅ​ថ្ងៃ​ទី​១៩ ឧសភា នេះ​ថា គណបក្ស សម រង្ស៊ី ដែល​មិនទាន់​ប្តូរ​ឈ្មោះ​មក​ជា​គណបក្ស​ភ្លើង​ទៀន ធ្លាប់​ជា​គណបក្ស​ទី​មួយ​ក្នុង​ប្រវត្តិសាស្ត្រ​ប្រទេស​កម្ពុជា​ក្រោយ​កិច្ចព្រមព្រៀង​សន្តិភាព​ទីក្រុង​ប៉ារីស ឆ្នាំ​១៩៩១ ដែល​បាន​លើក​អំណាច​ជូន​លោក ហ៊ុន សែន តាមរយៈ​នៃ​ការ​កែប្រែ​រដ្ឋធម្មនុញ្ញ​ពី ២​ភាគ​៣ មក ៥០​ភាគរយ​បូក​១ កាលពី​ឆ្នាំ​២០០៦ កន្លងទៅ។

លោក គឹម សុខ បារម្ភ​ថា បច្ចុប្បន្ន​នេះ គណបក្ស​ភ្លើង​ទៀន​កំពុង​បន្ត​ស្មារតី​របស់​គណបក្ស សម រង្ស៊ី ដោយ​ស្ម័គ្រចិត្ត​ជួយ​ជ្រោមជ្រែង​អំណាច​លោក ហ៊ុន សែន តាមរយៈ​នៃ​ការ​កំដរ​ឧក្រិដ្ឋកម្ម​បោះឆ្នោត​ឆ្នាំ​២០២២ នេះ ដូច្នេះ​វាសនា​អាក្រក់​របស់​កម្ពុជា គឺ​ពិតជា​ពិបាក​ប៉ាន់ស្មាន​ណាស់ ថា​តើ​នឹង​រអិល​ធ្លាក់​ជ្រោះ​ដល់​កម្រិត​ណា​ទៅ​ថ្ងៃ​អនាគត។

លោក គឹម សុខ លើកឡើង​ថា នៅ​ពេល​នេះ​គណបក្ស​ភ្លើង​ទៀន​ស្ម័គ្រ​ចូល​ខ្លួន​លម្អ​អំណាច​លោក ហ៊ុន សែន ដោយ​គ្មាន​លក្ខខណ្ឌ​បន្ត​ទៀត បន្ទាប់ពី​ប្រកាស​ចូលរួម​ឧក្រិដ្ឋកម្ម​បោះឆ្នោត​ដែល​រៀបចំ​ឡើង​ដោយ​បក្ស​កាន់​អំណាច​ក្នុង​ឆ្នាំ​២០២២ នេះ។

ប្រធាន​វេទិកា​ពលរដ្ឋ​រូប​នេះ​អះអាង​ថា ក្រោយ​វៀតណាម​លើក​បន្តុប​ជា​នាយករដ្ឋមន្ត្រី លោក ហ៊ុន សែន បាន​បញ្ចេញ​ស្នាដៃ​អនុវត្ត​ផែនការ «ក៥» របស់​វៀតណាម​យ៉ាង​ម៉ឺងម៉ាត់ ក្នុង​នោះ​យុវជន​ខ្មែរ​បាន​ស្លាប់​បាត់បង់​ជីវិត​ដោយសារ​ផែនការ​នេះ​អស់​ជាង ២០​ម៉ឺន​នាក់។

លោក​បន្ថែម​ថា បន្ទាប់ពី​គណបក្ស សម រង្ស៊ី ជួយ​បង្គ្រប់​សំឡេង​ក្នុង​រដ្ឋសភា​កាលពី​ឆ្នាំ​២០០៦ ដើម្បី​កែប្រែ​រូបមន្ត​បង្កើត​រដ្ឋាភិបាល​ពី ២​ភាគ​៣ មក​ជា ៥០​ភាគរយ​បូក​១ លោក ហ៊ុន សែន បាន​សម្រុក​អនុវត្ត​នយោបាយ​បំផ្លាញ​អធិបតេយ្យ​ជាតិ​តាមរយៈ​នៃ​ការ​បំផ្លាញ​កិច្ចព្រមព្រៀង​សន្តិភាព​ទីក្រុង​ប៉ារីស និង​សម្លាប់​ប្រជាធិបតេយ្យ​ដ៏​ក្មេងខ្ចី​របស់​កម្ពុជា ដែល​នាំ​ឲ្យ​លោក ហ៊ុន សែន អាច​ដឹកនាំ​កម្ពុជា​ដោយ​ឯក​បក្ស​ដូច​សព្វថ្ងៃ​នេះ។

ទាក់ទិន​នឹង​បញ្ហា​នេះ អនុប្រធាន​គណបក្ស​ភ្លើង​ទៀន លោក សុន ឆ័យ ធ្លាប់​បាន​អះអាង​កាលពី​ពេល​ថ្មីៗ​នេះ​ថា ការ​ចូលរួម​ការ​បោះឆ្នោត​របស់​គណបក្ស​ភ្លើង​ទៀន នៅ​ខែ​មិថុនា ឆ្នាំ​២០២២ ខាងមុខ​នេះ គឺ​ដើម្បី​ពង្រឹង​ប្រជាធិបតេយ្យ និង​លើកស្ទួយ​គោរព​សិទ្ធិមនុស្ស​នៅ​កម្ពុជា​ឡើងវិញ​ផង​ដែរ។

កាលពី​ចុង​ខែ​កក្កដា ឆ្នាំ​២០១៧ គណបក្ស សម រង្ស៊ី ដែល​ជា​សហ​ស្ថាបនិក​ក្នុង​ការ​បង្កើត​គណបក្ស​សង្គ្រោះ​ជាតិ ជាមួយ​គណបក្ស​សិទ្ធិមនុស្ស​របស់​លោក កឹម សុខា បាន​ប្តូរ​ឈ្មោះ​របស់​ខ្លួន​មក​ជា​គណបក្ស​ភ្លើង​ទៀន​ជំនួស​វិញ និង​សម្រេច​ចិត្ត​បែក​ចេញ​ពី​គណបក្ស​សិទ្ធិមនុស្ស មក​ចូលរួម​ការ​បោះឆ្នោត​ជាមួយ​បក្ស​កាន់​អំណាច​កាលពី​ចុង​ឆ្នាំ​២០២១ កន្លងទៅ​នេះ។

ទោះជា​បែប​នេះ​ក្តី ក្រុម​អ្នក​សង្កេតការណ៍​រិះគន់​ថា ការ​បោះឆ្នោត​ក្រុមប្រឹក្សា​ឃុំ-សង្កាត់​អាណត្តិ​ទី​៥ ឆ្នាំ​២០២២ ខាងមុខ​នេះ គឺជា​ការ​បោះឆ្នោត​មួយ​ដែល​រៀបចំ​ឡើង​ដោយ​គណបក្ស​កាន់​អំណាច​របស់​លោក ហ៊ុន សែន តែប៉ុណ្ណោះ ដូច្នេះ​ការ​បោះឆ្នោត​នេះ​នឹង​មិន​ធានា​បាន​នូវ​ឯករាជភាព តម្លាភាព និង​យុត្តិធម៌​នោះ​ឡើយ ព្រោះ​ជា​ការ​បោះឆ្នោត​ដែល​បង្គ្រប់​កិច្ច​ឲ្យ​បក្ស​កាន់​អំណាច​របស់​លោក ហ៊ុន សែន ប៉ុណ្ណោះ៕

--

--

សកម្មជន​សហគមន៍​ខ្មែរ-អាមេរិកាំង ប្ដេជ្ញា​ការពារ​លោក អ៊ុក ទូច ដែល​ជា​អ្នក​គប់​ស្បែកជើង​លើ​លោក ហ៊ុន សែន បើសិន​ជា​មាន​ការ​ចាប់​បញ្ជូន​ខ្លួន​ទៅ​ស្រុក​ខ្មែរ​វិញ​តាម​ការ​ទាមទារ​របស់​លោក ហ៊ុន សែន។ សកម្មជន​សហគមន៍​ខ្មែរ​ក្នុង​ទីក្រុង​ឡងប៊ិច នៃ​រដ្ឋ​កាលីហ្វ័រនីញ៉ា លោក ទិត្យ ទិព្វផាណា បាន​លើកឡើង​ក្នុង​កម្មវិធី Idea Talk កាលពី​រាត្រី​ថ្ងៃ​ពុធ ម្សិលមិញ (១៨ ឧសភា) ថា ការ​គំរាម​របស់​លោក ហ៊ុន សែន ជុំវិញ​ការ​យក​ជីវិត​របស់​លោក អ៊ុក ទូច និង​អ្នក​គាំទ្រ​សកម្មភាព​របស់​លោក បាន​ធ្វើ​ឲ្យ​ពលរដ្ឋ​ខ្មែរ​ដែល​មិន​ពេញចិត្ត​ការ​ដឹកនាំ​របស់​លោក ហ៊ុន សែន មាន​ការ​ភ័យខ្លាច​យ៉ាង​ខ្លាំង។

សហគមន៍​ខ្មែរ​នៅ​អាមេរិក​ប្ដេជ្ញា​ការពារ​អ្នក​គប់​ស្បែកជើង​លើ​លោក ហ៊ុន សែន
សហគមន៍​ខ្មែរ​នៅ​អាមេរិក​ប្ដេជ្ញា​ការពារ​អ្នក​គប់​ស្បែកជើង​លើ​លោក ហ៊ុន សែន
លោក អ៊ុក ទូច (ឆ្វេង) ជា​ពលរដ្ឋ​ខ្មែរ-អាមេរិកាំង​ដែល​គប់​ស្បែកជើង​លើ​លោក​នាយករដ្ឋមន្ត្រី ហ៊ុន សែន អំឡុង​លោក​ជួប​ជាមួយ​អ្នក​គាំទ្រ​នៅ​សហរដ្ឋ​អាមេរិក ពេល​បំពេញ​ទស្សនកិច្ច​ចូលរួម​កិច្ចប្រជុំ​កំពូល​ពិសេស​អាមេរិក-អាស៊ាន (យប់​ថ្ងៃ​ទី​១១ ខែ​ឧសភា ឆ្នាំ​២០២២ ម៉ោង​នៅ​កម្ពុជា)។ (រូបថត​ពី​ហ្វេសប៊ុក)

សកម្មជន​សហគមន៍​ខ្មែរ-អាមេរិកាំង ប្ដេជ្ញា​ការពារ​លោក អ៊ុក ទូច ដែល​ជា​អ្នក​គប់​ស្បែកជើង​លើ​លោក ហ៊ុន សែន បើសិន​ជា​មាន​ការ​ចាប់​បញ្ជូន​ខ្លួន​ទៅ​ស្រុក​ខ្មែរ​វិញ​តាម​ការ​ទាមទារ​របស់​លោក ហ៊ុន សែន។

សកម្មជន​សហគមន៍​ខ្មែរ​ក្នុង​ទីក្រុង​ឡងប៊ិច នៃ​រដ្ឋ​កាលីហ្វ័រនីញ៉ា លោក ទិត្យ ទិព្វផាណា បាន​លើកឡើង​ក្នុង​កម្មវិធី Idea Talk កាលពី​រាត្រី​ថ្ងៃ​ពុធ ម្សិលមិញ (១៨ ឧសភា) ថា ការ​គំរាម​របស់​លោក ហ៊ុន សែន ជុំវិញ​ការ​យក​ជីវិត​របស់​លោក អ៊ុក ទូច និង​អ្នក​គាំទ្រ​សកម្មភាព​របស់​លោក បាន​ធ្វើ​ឲ្យ​ពលរដ្ឋ​ខ្មែរ​ដែល​មិន​ពេញចិត្ត​ការ​ដឹកនាំ​របស់​លោក ហ៊ុន សែន មាន​ការ​ភ័យខ្លាច​យ៉ាង​ខ្លាំង។

លោក ទិត្យ ទិព្វផាណា អះអាង​ថា អំណាច​ព្រៃផ្សៃ​របស់​លោក ហ៊ុន សែន មិន​ត្រឹមតែ​រាតត្បាត​ពេញ​ស្រុក​ខ្មែរ​ទេ ប៉ុន្តែ​ពេលនេះ អំណាច​នៃ​ការ​គាប​សង្កត់ និង​ការ​ជិះជាន់​ពលរដ្ឋ​ខ្លួនឯង​នេះ​កំពុង​ពង្រីក​ខ្លួន​មក​ដល់​ទឹកដី​សហរដ្ឋ​អាមេរិក​បណ្តើរៗ​ហើយ តាមរយៈ​ក្រុម​បក្ខពួក និង​ដៃជើង​របស់​លោក ហ៊ុន សែន ដែល​បាន​ចងក្រង​ជា​បណ្ដាញ​នៅ​ក្នុង​សហគមន៍​ខ្មែរ​លើ​ទឹកដី​សហរដ្ឋ​អាមេរិក​សព្វថ្ងៃ​នេះ។

សកម្មជន​សហគមន៍​ខ្មែរ​ក្នុង​ទីក្រុង​ឡងប៊ិច រូប​នេះ​បញ្ជាក់​ថា ដើម្បី​ការពារ​អាយុជីវិត​របស់​ពលរដ្ឋ​ខ្មែរ​ដែល​កំពុង​រស់នៅ​លើ​ទឹកដី​សហរដ្ឋ​អាមេរិក គេច​ពី​ការ​គំរាមកំហែង​របស់​លោក ហ៊ុន សែន ពលរដ្ឋ​ខ្មែរ​អាមេរិកាំង​ទាំងអស់​នៅ​ក្នុង​សហគមន៍​ខ្មែរ​ត្រូវតែ​រួបរួម​គ្នា​ជា​ធ្លុង​មួយ សាមគ្គី​គ្នា ដើម្បី​បញ្ចប់​នូវ​ការ​បំបែកបំបាក់​របស់​បណ្ដាញ​សមាជិក​បក្ស​កាន់​អំណាច​ដែល​កំពុង​ព្យាយាម​បញ្ចុះបញ្ចូល​ពលរដ្ឋ​ខ្មែរ​រស់នៅ​ក្រៅ​ស្រុក​ឲ្យ​ឈ្លោះ​គ្នា​ឯង​ក្នុង​ពេល​បច្ចុប្បន្ន​នេះ។

ការ​អះអាង​បែប​នេះ ធ្វើឡើង​បន្ទាប់ពី​មេដឹកនាំ​បក្ស​កាន់​អំណាច លោក ហ៊ុន សែន គំរាម​ពលរដ្ឋ​ខ្មែរ​ដែល​រស់នៅ​សហរដ្ឋ​អាមេរិក​ណា​ដែល​គាំទ្រ​ទង្វើ​របស់​លោក អ៊ុក ទូច ដែល​បាន​គប់​ស្បែកជើង​លើ​រូបលោក​កាលពី​ពេល​ថ្មីៗ​នេះ។

ចំណែក​សកម្មជន​សហគមន៍​ខ្មែរ​ក្នុង​ទីក្រុង​ឡូវែល នៃ​រដ្ឋ​ម៉ាស្សាជូសេធ លោក ហ៊ុយ សាគាល បាន​លើកឡើង​ក្នុង​កិច្ចពិភាក្សា​នេះ​ដែរ​ថា លោក​កំពុងតែ​ចងក្រង​ពលរដ្ឋ​ខ្មែរ​ដែល​រស់នៅ​ក្រៅ​ស្រុក​តាម​បណ្តា​រដ្ឋ​នីមួយៗ ដើម្បី​ធានា​នូវ​សុវត្ថិភាព​របស់​ខ្មែរ​អាមេរិក​ទាំងនោះ​ពី​ការ​យាយី និង​ការ​បំភិតបំភ័យ​ពី​បណ្ដាញ​បក្ខពួក​របស់​លោក ហ៊ុន សែន ដែល​កំពុង​រាតត្បាត​នៅ​សហរដ្ឋ​អាមេរិក​នៅ​ពេល​កន្លងមក។

ដោយឡែក​សកម្មជន​សហគមន៍​ខ្មែរ​ក្នុង​រដ្ឋ​កាលីហ្វ័រនីញ៉ា លោក គិត ពង្ស អះអាង​ថា លោក​អាច​ដាក់​លិខិត​ទៅកាន់​ភ្នាក់ងារ​ស៊ើបអង្កេត​របស់​សហរដ្ឋ​អាមេរិក (FBI) ដើម្បី​ឱ្យ​ពួកគេ​បើក​ការ​ស៊ើបអង្កេត​លើ​ពលរដ្ឋ​ខ្មែរ​នៅ​អាមេរិក​ដែល​ចុះចូល​ជាមួយ​បណ្ដាញ​បក្ខពួក​បម្រើ​ការ​ឱ្យ​បក្ស​កាន់​អំណាច​តាម​របៀប​កុម្មុយនីស្ត ក្នុង​ការ​រៀប​ផែនការ​ធ្វើ​បាប​ពលរដ្ឋ​ខ្មែរ-អាមេរិកាំង​ស្លូតត្រង់​ដទៃ​ទៀត។

ប៉ុន្តែ​លោក​មិនទាន់​បាន​ធ្វើ​កិច្ចការ​នេះ​នៅឡើយ​ទេ ដោយសារតែ​លោក​អាណិត​ខ្មែរ-អាមេរិកាំង​ទាំងនោះ​ដែល​ជា​ជនរងគ្រោះ ដែល​បាន​រត់​ភៀសខ្លួន​ពី​របប​ខ្មៅ​ងងឹត​មក​នៅ​ស្រុក​គេ​ដូច​លោក​ដែរ​នោះ។

កាលពី​ថ្ងៃ​ទី​១២ ខែ​ឧសភា ឆ្នាំ​២០២២ មេដឹកនាំ​បក្ស​កាន់​អំណាច លោក ហ៊ុន សែន ត្រូវ​បាន​ពលរដ្ឋ​ខ្មែរ​រស់នៅ​ក្រៅ​ស្រុក​គប់​នឹង​ស្បែកជើង ប៉ុន្តែ​មិន​ត្រូវ​លោក ហ៊ុន សែន នោះ​ទេ​ក្នុង​អំឡុង​ពេល​ដែល​លោក​ទៅ​ចូលរួម​ក្នុង​កម្មវិធី​ជួបជុំ​ក្រុម​អ្នក​គាំទ្រ​របស់​លោក​នៅ​សហរដ្ឋ​អាមេរិក។

ជុំវិញ​បញ្ហា​នេះ នៅ​ពេល​ដែល​បុរស​ខ្លាំង​កម្ពុជា​ត្រឡប់​មក​ដល់​ទឹកដី​កំណើត​វិញ កាលពី​ថ្ងៃ​ទី​១៧ ខែ​ឧសភា ឆ្នាំ​២០២២ ក្នុង​ពិធី​ជួបជុំ​ក្រុម​គ្រូពេទ្យ​ព្យាបាល​ជំងឺ​កូវីដ-១៩ លោក ហ៊ុន សែន បាន​យក​វេទិកា​នេះ​គំរាម​អ្នក​ដែល​គប់​ស្បែកជើង​លើ​រូបលោក​ថា អ្នក​ធ្វើ​ទង្វើ​នេះ​នឹង​មិន​រួច​ខ្លួន​នោះ​ទេ ប្រសិនបើ​លោក អ៊ុក ទូច ត្រូវ​អាមេរិក​កាត់ទោស និង​បញ្ជូន​មក​ស្រុក​ខ្មែរ។

លោក​បន្ត​ថា អ្នកគាំទ្រ​លោក អ៊ុក ទូច ចំពោះ​ទង្វើ​នេះ​ក៏​នឹង​មិន​អាច​រួច​ខ្លួន​ដែរ ព្រោះ​បណ្ដាញ​បក្ស​កាន់​អំណាច​នៅ​ក្រៅ​ស្រុក​បាន​កត់​ឈ្មោះ​អ្នក​ដែល​ចាត់ទុក​លោក អ៊ុក ទូច ជា​វីរបុរស​រួច​អស់​ហើយ។

មេដឹកនាំ​ខ្មែរ​ដែល​ឧស្សាហ៍​គំរាម​ផ្តាច់​ជីវិត​ពលរដ្ឋ​ខ្លួនឯង លោក ហ៊ុន សែន បញ្ជាក់​ថា លោក​មិន​សុំ​ឱ្យ​សហរដ្ឋ​អាមេរិក​ដាក់​ទោស​លើ​អ្នក​គប់​ស្បែកជើង​លើ​រូបលោក​នោះ​ឡើយ ប៉ុន្តែ​លោក​ចាំ​មើល​ថា តើ​អាមេរិក​ចាត់ទុក​ការ​គប់​ស្បែកជើង​បែប​នេះ​ជា​សិទ្ធិ​បញ្ចេញមតិ ឬ​ជា​អំពើ​ហិង្សា ប៉ុន្តែ​បើ​អាមេរិក​ចាត់ទុក​ទង្វើ​បែប​នេះ​ជា​សិទ្ធិ​បញ្ចេញមតិ នោះ​កម្ពុជា​ក៏​នឹង​អនុវត្ត​បែប​នេះ​ដែរ ហើយ​ច្បាប់​ទម្លាប់​នៅ​កម្ពុជា​ក៏​លែង​មាន​ទៀត​ដែរ៕

--

--

ប្រធាន​គណបក្ស​សង្គ្រោះ​ជាតិ ដែល​កំពុង​ជាប់​បម្រាម​នយោបាយ​ពី​បក្ស​កាន់​អំណាច លោក កឹម សុខា អះអាង​ក្នុង​សវនាការ​លើក​ទី​៤០ នៅ​ថ្ងៃ​ពុធ ទី​១៨ ឧសភា នេះ​ថា វីដេអូ​របស់​មេធាវី​ដើមបណ្ដឹង​ប្រវែង​ជាង ២​នាទី​ដែល​បាន​កាត់​ត​ចេញពី​វីដេអូ​ដើម​ជាង​មួយ​ម៉ោង​របស់​លោក ធ្វើ​ឱ្យ​មាន​ការ​ភ័ន្ត​ច្រឡំ​លើ​ខ្លឹមសារ​ពិត​នៃ​វីដេអូ​ដើម​យ៉ាង​ធ្ងន់ធ្ងរ។ មេដឹកនាំ​បក្ស​ប្រឆាំង លោក កឹម សុខា អះអាង​ក្នុង​សវនាការ​នៅ​ថ្ងៃ​ទី​១៨ ខែ​ឧសភា ឆ្នាំ​២០២២ នេះ​ថា វីដេអូ​របស់​មេធាវី​ខាង​ដើមបណ្ដឹង​ប្រវែង​ជាង ២​នាទី​ដែល​យក​មក​ប្រើប្រាស់​ធ្វើជា​ភស្តុតាង​ក្នុង​ការ​ចោទប្រកាន់​លើ​រូបលោក មិន​ឆ្លុះបញ្ចាំង​ពី​ការពិត​នោះ​ទេ ហើយ​ជា​ខ្សែ​វីដេអូ​ដែល​ធ្វើ​ឱ្យ​មាន​ការ​ភ័ន្ត​ច្រឡំ​ថែម​ទៀត។

លោក កឹម សុខា ថា​វីដេអូ​របស់​មេធាវី​ដើមបណ្ដឹង​ធ្វើ​ឱ្យ​មាន​ការ​ភ័ន្ត​ច្រឡំ​លើ​ខ្លឹមសារ​ពិត
លោក កឹម សុខា ថា​វីដេអូ​របស់​មេធាវី​ដើមបណ្ដឹង​ធ្វើ​ឱ្យ​មាន​ការ​ភ័ន្ត​ច្រឡំ​លើ​ខ្លឹមសារ​ពិត
លោក កឹម សុខា ប្រធាន​គណបក្ស​សង្គ្រោះ​ជាតិ ចូលរួម​សវនាការ​នៅ​សាលាដំបូង​រាជធានី​ភ្នំពេញ ថ្ងៃ​ទី​២៥ ខែ​មករា ឆ្នាំ​២០២២។ (រូបថត​ពី​ហ្វេសប៊ុក)

ប្រធាន​គណបក្ស​សង្គ្រោះ​ជាតិ ដែល​កំពុង​ជាប់​បម្រាម​នយោបាយ​ពី​បក្ស​កាន់​អំណាច លោក កឹម សុខា អះអាង​ក្នុង​សវនាការ​លើក​ទី​៤០ នៅ​ថ្ងៃ​ពុធ ទី​១៨ ឧសភា នេះ​ថា វីដេអូ​របស់​មេធាវី​ដើមបណ្ដឹង​ប្រវែង​ជាង ២​នាទី​ដែល​បាន​កាត់​ត​ចេញពី​វីដេអូ​ដើម​ជាង​មួយ​ម៉ោង​របស់​លោក ធ្វើ​ឱ្យ​មាន​ការ​ភ័ន្ត​ច្រឡំ​លើ​ខ្លឹមសារ​ពិត​នៃ​វីដេអូ​ដើម​យ៉ាង​ធ្ងន់ធ្ងរ។

មេដឹកនាំ​បក្ស​ប្រឆាំង លោក កឹម សុខា អះអាង​ក្នុង​សវនាការ​នៅ​ថ្ងៃ​ទី​១៨ ខែ​ឧសភា ឆ្នាំ​២០២២ នេះ​ថា វីដេអូ​របស់​មេធាវី​ខាង​ដើមបណ្ដឹង​ប្រវែង​ជាង ២​នាទី​ដែល​យក​មក​ប្រើប្រាស់​ធ្វើជា​ភស្តុតាង​ក្នុង​ការ​ចោទប្រកាន់​លើ​រូបលោក មិន​ឆ្លុះបញ្ចាំង​ពី​ការពិត​នោះ​ទេ ហើយ​ជា​ខ្សែ​វីដេអូ​ដែល​ធ្វើ​ឱ្យ​មាន​ការ​ភ័ន្ត​ច្រឡំ​ថែម​ទៀត។

លោក​បន្ត​ថា នៅ​ពេល​ដែល​មាន​ការ​ភ័ន្តច្រឡំ​តាមរយៈ​ខ្សែ​វីដេអូ​កាត់​ត​នេះ ភាគី​ដើមបណ្ដឹង និង​រូបលោក​នៅតែ​អាច​ជជែក​គ្នា​បាន​ក្នុង​ការ​ស្វែងរក​ការពិត​ដើម្បី​បញ្ចប់​នូវ​ការ​ភ័ន្តច្រឡំ​នេះ។

ប្រធាន​គណបក្ស​សង្គ្រោះ​ជាតិ​ដែល​មិនទាន់​មាន​សិទ្ធិ​នយោបាយ​ឡើងវិញ លោក កឹម សុខា អះអាង​ថា លោក​មិន​មាន​បំណង​ណា​មួយ​ធ្វើ​បដិវត្តន៍​ដើម្បី​ផ្តួល​រំលំ​រដ្ឋាភិបាល​កម្ពុជា​នោះ​ឡើយ។ លោក​បន្ត​ថា ការ​និយាយ​របស់​លោក​រយៈពេល​ជាង ១​ម៉ោង​កាលពី​ឆ្នាំ​២០១៣ នៅ​ប្រទេស​អូស្ត្រាលី នោះ គ្រាន់តែ​ដើម្បី​ថ្លែង​អំណរគុណ​ដល់​ពលរដ្ឋ​ដែល​បាន​ឧបត្ថម្ភ​ថវិកា​ជួយ​ជនរងគ្រោះ​ដោយសារ​ទឹកជំនន់ និង​ដើម្បី​ប្រាប់​អ្នក​គាំទ្រ​ពី​ការ​វិវឌ្ឍ​នៃ​ដំណើរការ​របស់​គណបក្ស​សង្គ្រោះ​ជាតិ អំឡុង​ពេល​នៃ​ការ​ចរចា​នយោបាយ​ជាមួយ​បក្ស​កាន់​អំណាច ដើម្បី​រក​ដំណោះស្រាយ​នយោបាយ​ប៉ុណ្ណោះ។

ការ​អះអាង​របស់​មេដឹកនាំ​បក្ស​ប្រឆាំង លោក កឹម សុខា ធ្វើឡើង​ដើម្បី​ឆ្លើយ​ទៅ​នឹង​សំណួរ​ដែល​បាន​ចោទ​សួរ​ក្នុង​សវនាការ​នៅ​ថ្ងៃ​ទី​១៨ ខែ​ឧសភា ឆ្នាំ​២០២២ នេះ។

កាលពី​ថ្ងៃ​ទី​៩ ខែ​វិច្ឆិកា ឆ្នាំ​២០១៣ ប្រធាន​គណបក្ស​សង្គ្រោះ​ជាតិ លោក កឹម សុខា បាន​ថ្លែង​ទៅ​កាន់​អ្នក​គាំទ្រ​គណបក្ស​សង្គ្រោះ​ជាតិ​នៅ​ប្រទេស​អូស្ត្រាលី ដែល​មាន​រយៈពេល​ជាង​មួយ​ម៉ោង ដោយ​បាន​លើកឡើង​ពី​ការ​វិវឌ្ឍ​នៃ​ដំណើរការ​របស់​គណបក្ស​សង្គ្រោះ​ជាតិ ដែល​ទទួល​បាន​ការ​គាំទ្រ​ពី​ពលរដ្ឋ​ជិត​កន្លះ​ប្រទេស។

ប៉ុន្តែ​ខ្សែ​វីដេអូ​ជាង​មួយ​ម៉ោង​នេះ ត្រូវ​មេធាវី​ខាង​ដើមបណ្ដឹង​កាត់​ត​ផ្សំ​គ្នា​ទៅជា​ខ្លឹមសារ​មួយ​ផ្សេង​ទៀត​ដែល​មាន​ប្រវែង​ត្រឹមតែ​ជាង ២​នាទី ដើម្បី​ចោទប្រកាន់​លោក កឹម សុខា ថា​បាន​ឃុបឃិត​ជាមួយ​រដ្ឋ​បរទេស​ក្នុង​ការ​ផ្តួល​រំលំ​រដ្ឋាភិបាល​កម្ពុជា។

សហ​មេធាវី​ការពារ​ក្តី​មេដឹកនាំ​បក្ស​ប្រឆាំង លោក ផែង ហេង បាន​ប្រាប់​អ្នក​សារព័ត៌មាន​នៅ​មុខ​សាលាដំបូង​រាជធានី​ភ្នំពេញ បន្ទាប់ពី​សវនាការ​នៅ​ថ្ងៃ​ទី​១៨ ឧសភា នេះ​ថា ក្នុង​សវនាការ​ពេញ​មួយ​ព្រឹក​នេះ លោក​ទាមទារ​ឱ្យ​តំណាង​អយ្យការ​បង្ហាញ​អង្គហេតុ​នៃ​សំណុំរឿង​របស់​លោក កឹម សុខា ព្រោះ​ថា​ការ​បកស្រាយ​របស់​តំណាង​អយ្យការ​កន្លងមក​មិន​មែន​ជា​ការ​បង្ហាញ​អង្គហេតុ​នោះ​ទេ គ្រាន់តែ​ជា​ការ​បកស្រាយ​ពី​ខ្លឹមសារ​ក្នុង​វីដេអូ​កាត់​ត​ដែល​បាន​ដាក់​ជូន​ដោយ​មេធាវី​ដើមបណ្ដឹង​ប៉ុណ្ណោះ។

ដោយឡែក​សហ​មេធាវី​ការពារ​ក្តី​មេដឹកនាំ​បក្ស​ប្រឆាំង​មួយ​រូប​ទៀត គឺ​អ្នកស្រី ម៉េង សុភារី បាន​ទាមទារ​ឱ្យ​តំណាង​អយ្យការ និង​មេធាវី​ដើមបណ្ដឹង បញ្ជាក់​ឈ្មោះ​រដ្ឋ​បរទេស​ដែល​ត្រូវ​បាន​ចោទ​ថា​បាន​ឃុបឃិត​ជាមួយ​លោក កឹម សុខា ផង​ដែរ។

ប៉ុន្តែ​តំណាង​អយ្យការ​មិន​បាន​បញ្ជាក់​ពី​ឈ្មោះ​រដ្ឋ​បរទេស​ណា​មួយ​នោះ​ឡើយ ក្នុង​នោះ​តំណាង​អយ្យការ និង​មេធាវី​ដើមបណ្ដឹង គ្រាន់តែ​ប្រាប់​ឱ្យ​ទៅ​មើល​ក្នុង​សំណុំរឿង​នេះ​ឡើងវិញ​តែប៉ុណ្ណោះ។

ចំណែក​លោក អាង ឧត្តម ដែល​ជា​មេធាវី​ការពារ​ក្តី​ឱ្យ​ប្រធាន​គណបក្ស​សង្គ្រោះ​ជាតិ លោក កឹម សុខា ដែរ​នោះ បាន​លើកឡើង​ថា បើ​ខាង​រដ្ឋាភិបាល​កម្ពុជា​មិន​បាន​ចោទ​លោក កឹម សុខា ពី​បទ​សន្ទិដ្ឋភាព​ជាមួយ​រដ្ឋ​បរទេស​ណា​មួយ​នោះ​ទេ ហើយ​ខាង​មេធាវី​ដើមបណ្ដឹង និង​ខាង​អយ្យការ​ក៏​បាន​អះអាង​ថា ខ្លួន​មិន​ចោទ​ដែរ ដូច្នេះ​លោក​ទាមទារ​ឱ្យ​តុលាការ​ទម្លាក់​ចោល​នូវ​បទ​ចោទ​លើ​លោក កឹម សុខា ទាំងអស់​ដើម្បី​បញ្ចប់​សំណុំរឿង​នេះ​តែម្តង។

ជុំវិញ​បញ្ហា​នេះ មេដឹកនាំ​បក្ស​កាន់​អំណាច លោក ហ៊ុន សែន កាលពី​ថ្ងៃ​ទី​១២ ខែ​ឧសភា ឆ្នាំ​២០២២ បាន​បដិសេធ​ថា រដ្ឋាភិបាល និង​តុលាការ​កម្ពុជា​មិន​បាន​ចោទ​សហរដ្ឋ​អាមេរិក​ថា​បាន​ពាក់ព័ន្ធ​ក្នុង​សំណុំរឿង​សន្ទិដ្ឋភាព​ជាមួយ​រដ្ឋ​បរទេស​របស់​ប្រធាន​គណបក្ស​សង្គ្រោះ​ជាតិ លោក កឹម សុខា ដើម្បី​ផ្តួល​រំលំ​រាជរដ្ឋាភិបាល​កម្ពុជា​នោះ​ទេ ប៉ុន្តែ​លោក កឹម សុខា ជា​អ្នក​និយាយ​ដោយ​ខ្លួនឯង​តែប៉ុណ្ណោះ៕

--

--

ប្រធាន​គណបក្ស​ខ្មែរ​តែ​មួយ អះអាង​ថា ខ្លួន​បាន​ទទួល​រង​នូវ​ភាព​អយុត្តិធម៌​ធ្ងន់ធ្ងរ​ពី​អតីត​មេដឹកនាំ​បក្ស​ប្រឆាំង លោក សម រង្ស៊ី ដែល​ធ្លាប់​បាន​ចោទ​ខ្លួន​ថា​ជា​គណបក្ស​អាយ៉ង​របស់​គណបក្ស​កាន់​អំណាច ដោយសារតែ​ខ្លួន​បាន​ចូលរួម​ការ​បោះឆ្នោត​កាលពី​ឆ្នាំ​២០១៨ កន្លងទៅ ខណៈ​គណបក្ស​ភ្លើង​ទៀន បាន​ចូលរួម​ការ​បោះឆ្នោត​ជ្រើសរើស​ក្រុមប្រឹក្សា​ឃុំ-សង្កាត់​អាណត្តិ​ទី​៥ ឆ្នាំ​២០២២ នេះ។ ប្រធាន​គណបក្ស​ខ្មែរ​តែ​មួយ លោក គុច លី បាន​ចេញ​លិខិត​ចំហ​មួយ​កាលពី​ថ្ងៃ​ទី​១៥ ខែ​ឧសភា ឆ្នាំ​២០២២ ថា លោក សម រង្ស៊ី ធ្លាប់​ចោទ​គណបក្ស​ដែល​បាន​ចូលរួម​ការ​បោះឆ្នោត​ជាតិ​កាលពី​ឆ្នាំ​២០១៨ ថា​ជា​គណបក្ស​អាយ៉ង​របស់​បក្ស​កាន់​អំណាច ដោយ​បង្កើត​ល្បិច​ទុច្ចរិត​ក្រោម​យុទ្ធនាការ​ដេក​ផ្ទះ​ឈ្នះ​ឯង និង​យុទ្ធនាការ​ម្រាម​៩ ជាដើម ដែល​ជា​ការ​លាប​ពណ៌​យ៉ាង​អយុត្តិធម៌​មក​លើ​គណបក្ស​របស់​ខ្លួន។…

គណបក្ស​ខ្មែរ​តែ​មួយ​ថា​ធ្លាប់​រង​ភាព​អយុត្តិធម៌​ពី​ការ​ចោទប្រកាន់​របស់​លោក សម រង្ស៊ី
គណបក្ស​ខ្មែរ​តែ​មួយ​ថា​ធ្លាប់​រង​ភាព​អយុត្តិធម៌​ពី​ការ​ចោទប្រកាន់​របស់​លោក សម រង្ស៊ី